2.7.18

Rabbabarasaft og sól


Þrátt fyrir sólarleysið á suðvesturhorninu vex rabbabarinn vel og jafnvel myntan líka.
Það má því vel hugsa sér að gera rabbabarasaft til að fá smá lit í lífið.

Ef þið eruð jafn sólarþyrst og ég takið þið eftir að þessar myndir eru teknar í sól. Það er af því að þær eru ársgamlar frá því þegar sú gula lét sjá sig öðru hverju.
Við látum það ekki slá okkur út af laginu, heldur þvert á móti, þeim mun betri ástæða fyrir að skella í rabbabarasaft.


Ég skoðaði margar uppskriftir á netinu og valdi eina sem mér fannst einföld. 
Það er áhrifaríkast að hafa leitarorðið á skandinavísku t.d. "rabarbersaft".
Mér finnst saftin afar ljúffeng með sódavatni og myntan gerir þetta alveg sérstaklega ferskt.


Ég notaði saftina óspart í litlar og stórar gjafir. 
Að ofan er mynd af lítilli þakkargjöf og þetta er mynd af brúðkaupsgjöf. 
Á minnislyklinum eru myndir úr gæsun og steggjun, í pappírspokanum er peningur og þetta var með saftinni í poka "Ást í poka sem ekki má loka".


Með þessari sólríku færslu vona ég að þið fáið sól í hjartað og kannski að einhver sjóði rabbabarasaft fyrir smá lit og bragð í hversdaginn.

2 comments:

  1. Better World Books gets books from libraries, book shops, book drives, and through local area Drop Boxes, sells what they can to fund-raise for proficiency, and gives books in great condition. Solicitation to turn into a gift beneficiary. kids story books

    ReplyDelete
  2. The delightful lady may be wearing a similar sort of dr rashel products cosmetics as the other lady, yet you don't see it since it was applied well. Not to an extreme, not excessively little - however barely enough, applied perfectly located to improve the lady's best elements.

    ReplyDelete