14.6.18

Þjóðlegt skraut


Það er ærin ástæða til þess að skreyta þjóðlega næstu daga. Þjóðhátíðardagurinn framundan svo ekki sé minnst á heimsmeistarakeppnina í fótbolta í Rússlandi þar sem ÍSLAND tekur auðvitað þátt!


 Þrátt fyrir fjarveru sumarsins hingað til er lúpínan tekin við sér og auðvelt að skella fallegri lúpínu í vasa.


Hérna sjást undurfallegu gleym-mér-einar í staupglasinu betur


hérna sést bakkinn með heimatilbúinn fánalengju og dagatali sem að guttinn bjó til í leikskólanum.

Fánalengjuna góðu gerði ég fyrir mörgum árum úr munsturlímböndum og nota alltaf aftur og aftur.


Eitt árið skellti ég íslensku birki í vasann


og setti þrenningarfjólur í staupglasið. 
Þetta árið eru engar þrenningarfjólur komnar í garðinn minn því miður en ég hef fundið gleym-mér-ei. Mér finnst eitthvað svo viðeigandi að setja svona smá og falleg villt íslensk blóm í vasa og verður alltaf hugsað til þjóðsöngsins og "eilífðar smáblómsins með titrandi tár".

Kerfillinn er aðeins byrjaður að taka við sér í náttúrunni og ég er ekki frá því að hann verði fyrir valinu í ár.

Ég held að það sé bara ein leið til að enda þessa færslu:
ÁFRAM ÍSLAND!


4 comments:

  1. sko...þessar fjólur lifa oft bara 2-4 ár.. en fjölga sér.... allavega mín reynsla og koma með fuglunum....

    ReplyDelete
  2. Kid kraft and Victorian dollhouse by Guide create offers style and creative mind across the board. They are the best gift to give our little princesses. It offers play, however an extraordinary arrangement in fostering their character. playgo toys

    ReplyDelete