26.7.15

4 ára afmæli guttans #3 Litlar ljúfar gjafir

 
 
Mér finnst skemmtilegt að gefa krökkunum sem koma í afmæli litlar gjafir þegar þau kveðja.
Ég vil samt ekki að þetta sé eitthvað drasl og það má heldur ekki kosta mikið.
 Í tveggja ára afmælinu fengu krakkarnir sápukúlur.
 

Í ár fengu gestirnir lítinn popp poka með sér heim og "litabókarmyndir" af Línu langsokk
(sem finna má fríkeypis á netinu til útprentunar).



Þetta eru gjafir sem "eyðast" þ.e. bætast ekki við dótið og draslið sem maður á fyrir heldur eru notaðar og eru svo úr sögunni. Einnig er þetta nokkuð umhverfisvænt því að pappírinn og bómullarsnærið brotna fljótt niður.


Föndurglöðu mömmunni fannst gaman að dúlla við þetta skraut og krökkunum fannst gaman að fá að velja sér gjöf með skrauti og mynd sem þeim líkaði.
 
Á morgun: nokkur hagnýt ráð fyrir úti afmæli.
 
Þú finnur Rósir og rjóma líka á fésbókinni
Þú getur skoðað fleiri færslur um barnaafmæli með því að velja efnisorðið "afmæli" hér til hliðar.

25.7.15

4 ára afmæli guttans # 2 Útiafmæli


Fyrir þremur árum héldum við 1 árs afmæli guttanns úti. Í ár voru verðurgurðirnir okkur loksins aftur hliðhollir og við gátum endurtekið leikinn.
 
Við héldum afmælið úti á æðislegum stað hérna í Grafarvoginum sem heitir Gufunesbær.
Borgin á þetta svæði sem er opið og til afnota fyrir alla sem vilja. Þar er að finna þetta grillskýli sem sést á myndinni hér fyrir ofan, lítinn leikhól, risastórar leikkastala, eldstæði og bekki inni í rjóðri, mini golf, Frisbígolfvöll, strandblakvelli.....
 
 
En aftur að afmælinu sem var með Línu langsokkur þema að ósk afmælisguttans:
´
 
Við buðum upp á grillaða lúxus hamborgara. Hérna er guttinn að fylgjast með pabba sínum kveikja upp í grillinu.
 
 
Hamborgararnir runnu ljúflega ofan í gestina (svo hratt að það gleymdist að taka myndir!)
 
 
Kastalinn er mjög stór og í raun sést bara hluti hans á þessum myndum. Rennibrautirnar eru ævintýralega skemmtilegar en það er best að taka það fram að kastalinn hentar ekki ungum börnum nema í fylgd fullorðinna.
 
 
Ungir sem aldnir spreyttu sig  á kastalanum og það var mikið hlegið og mikið fjör.
 
 
 
Það fréttist meira að segja að amman hefði farið salíbunu sem er nú alveg í anda Línu langsokk!
 
 
Svo var komið að afmæliskökunni sem var að sjálfsögðu skreytt með Línu og vinum hennar.
 
 
Ég hef áður notað þessa hugmynd fyrir afmælisköku og dásama enn og aftur hvað þetta er einfalt; prenta út myndir og líma á grillspjót. Gæti varla verið einfaldara, ódýrara og hægt að aðlaga að hvaða þema sem er!
 
 
Afmælisbarnið valdi að hafa franska súkkulaðiköku. Sannkallaður sælkeragutti.
Hann valdi líka kertið og afmælisstrumpinn.
 
Fyrir þá sem vildu hvíla sig á kastalafjörinu var ýmislegt fleira hægt að dunda sér við.
Á Sjónarhóli mátti finna ýmis útileikföng:
 
 
Þessi fína búð fékkst á tæpar tvö þúsund krónur og var bara of krúttleg. Hún þolir merkilega mikið hnjask og það voru margar sandkökur seldar og keyptar í búðinni í þessu afmæli.
 
 
Einnig vakti froskaspilið mikla lukku, ég mæli svo sannarlega með slíku fyrir 2-99 ára!
(ég finn ekkert slíkt í sölu en hérna er hlekkur á alveg eins spil).
 
 
Meira um afmælisgleðina á morgun!
 
Þú finnur Rósir og rjóma líka á fésbókinni.
Þú getur skoðað fleiri færslur um barnaafmæli með því að velja efnisorðið "afmæli" hér til hliðar.
 

4 ára afmæli guttans #1 Boðskortin

 
Eftir langa bið kom loksins að því að guttinn okkar varð fjögurra ára gamall. Það var búið að telja niður dagana og hann fékkst varla til þess að sofa eða borða, svo mikill var spenningurinn!

Það hentaði vel að við vorum byrjuð í sumarfrí nokkrum dögum fyrir afmælið og því var hægt að stytta biðina svolítið með undirbúningnum. Ég var búin að undirbúa mig fyrir nokkur þemu sem mér fannst líkleg til að höfða til guttans: Hvolpasveitin, Spiderman og Lína langsokkur, í þessari líkindaröð. Mér til mikillar ánægju valdi guttinn að hafa afmælið sitt í anda sterkustu stelpu í heimi; Línu langsokkur!
 
 

Við gerðum boðskort og sendum í pósti


Mér fannst viðeigandi að nota myndina þegar Lína býður Önnu og Tomma í afmælið sitt. Guttinn fékk svo að skera myndirnar út með pappírsskeranum mínum (það er sko sport!) og við vorum ekkert að stressa okkur á að gera allt þráðbeint, enda hefði Lína langsokkur aldrei gert það!


Guttinn er byrjaður að spreyta sig á stöfunum og vildi fá að skrifa svolítið sjálfur



Þessir fínu pappírspokar nýttust sem umslög. 
Myndin af Línu að lauma umslaginu til Tomma og Önnu var bara of krúttleg og fór aftan á umslögin.
Guttinn sá að sjálfsögðu líka sjálfur um að skera þessar myndir út.


Sumir fengu meira að segja svona fínt útklippta mynd


Auðvitað sá guttinn sjálfur um að loka umslögunum með límbandi


Guttanum fannst afar gaman að stússa í þessu og ekki gerðu boðskortin minni lukku hjá gestunum. Það er ekki á hverjum degi sem krakkar fá póst OG boð í afmæli!
 
Meira um afmælisgleðina á morgun!
 
Þú finnur Rósir og rjóma líka á fésbókinni.
Þú getur skoðað fleiri færslur um barnaafmæli með því að velja efnisorðið "afmæli" hér til hliðar.